(1).jpg)
Asuán ye una ciudá enclavada na marxe derecha del Nilu, al pie del primer tabayón. Construyéronse nesta zona dos preses: la nueva Presa Alta de Asuán y la menor y más antigua, Presa de Asuán o Presa Baxa de Asuán.
En 1956 el gobiernu exipciu de Gamal Abdel Nasser anunció la construcción d'una nueva presa en Asuán lo cual supunxo una pergrave amenaza pa los monumentos nubios.
El Nilu enchíase añalmente, cuando les agües procedentes d'Uganda y Sudán fluyíen escontra'l baxu Nilu pel branu. Dende l'antigüedá, estes crecíes fueron les que convirtieron les tierres próximes al ríu nuna fértil vega, ideal pa la agricultura, al dexar un sedimentu de nutrientes y minerales nel suelu, el llimu. Sicasí, la impredicible alternanza del nivel de les crecíes traía la perda de colleches enteres por anegamiento o seca y la consiguiente fame na población, polo que se consideró necesaria la construcción d'una presa que regulara'l nivel de los hinchentes pa protexer les tierres de llabor y los campos d'algodón.
La construcción foi empecipiada polos británicu en 1899 y concluyóse en 1902. El diseñu inicial tenía 1.900 m de llongura por 54 m d'altu y llueu s'afayó que yera desaparente, polo que se dar# en aumentar el so altor en dos fases: de 1907 a 1912 y de 1929 a 1933. Cuando la presa tuvo a puntu d'enchise en 1946 decidióse que, en llugar d'aumentar el so altor per tercer vegada, construyérase una segunda presa ocho kilómetros ríu arriba.
La Presa Alta tien 3600 m de llargu y 980 m d'anchu na base, por 40 m d'anchu nel cumal y 111 m d'altu, con un volume de material de 43 millones de m³. En condiciones de máxima capacidá puede dar salida a 11.000 m³ d'agua per segundu. Tien alliviaderos d'emerxencia adicionales pa un volume de 5.000 m³ y el canal de Toshka, qu'enllaza'l banzáu cola depresión Toshka. Esti banzáu, denomináu Llagu Nasser, tien 480 km de llargu y 16 km na so parte más ancha; la so área na superficie ye de 6.000 km² y contién ente 150 y 165 km³ d'agua. Anubrió gran parte de la baxa Nubia y fueron treslladaes más de 90.000 persones.
Los efectos de los peligrosos hinchentes de 1964 y 1973 y les tarrecibles seques como les de 1972-73 y 1983-84 quedaron apangaos. Creóse una nueva industria pesquero alredor del llagu Nasser que sigue nel so bracéu por espolletar por cuenta de la distancia a la que s'atopa cualquier mercáu significativu.
Con una producción hidroeléctrica de 10 000 GWh/añu, la presa alluga 12 xeneradores de 175 megavatios cada unu. El suministru eléctricu empezó en 1967, cuando la presa algamó la so cenit de producción, xenerando aprosimao la metá de la electricidá necesaria pal consumu de too Exiptu (alredor del 15% en 1998) y dexando, per primer vegada, la conexón eléctrica na mayoría de los pueblos exipcios.